Вистински кошмар му се случи на Баерн во последните минути од преодниот рок. Баварците планираа три трансфери кои не успеаја да ги реализираат.
Трансферот на Жуау Паљиња (28) пропадна на десет минути до крајот на преодниот рок. Португалецот ги мина лекарските прегледи, беше подготвен дрес за него за да може да ја има официјалната промоција, кога Фулам го повлекоа назад во Лондон, бидејќи не му најдоа замена.
Дополнително, на Баерн му пропаднаа уште два трансфера во последните неколку минути од преодниот рок. Баварците сакаа да ги доведат Армел Бела-Кочап од Саутемптон и Трево Чалоба од Челси. На крајот ниту еден од тие играчи не стигна до Минхен, што значи дека Томас Тухел остана без замена за Бенжамен Павар кој го засили Интер.