Иако во германските медиуми за нов тренер на Баерн веќе е прогласен Јулијан Нагелсман, тоа нема да се случи, бидејќи младиот стручњак го продолжи договорот со Германскиот фудбалски сојуз.
Баерн му понуди на Нагелсман четиригодишен договор, но по малку размислување 36-годишниот тренер реши да остане на кормилото на германската репрезентација.
Договорот на Наглесман со Германскиот фудбалски сојуз истече по завршувањето на Европското првенство, но сега тој потпиша нов и ќе остане на кормилото на репрезентацијата до 2026 година.
Нагелсман постигна многу големи успеси во својата тренерска кариера иако нема ни 40 години.
За време на неговата прва тренерска работа во Хофенхајм, тој беше прогласен за германски тренер на годината во 2017 година, откако ги доведе до четвртото место. Потоа го освои германскиот куп со РБ Лајпциг, пред да ја освои титулата во Бундеслигата и два германски Суперкупа со Баерн Минхен.
Од март минатата година е селектор на германската репрезентација.
Покрај Нагелсман, меѓу кандидатите за нов тренер на Баерн се и Роберто Де Зерби (Брајтон) и Унаи Емери (Астон Вила), а срамежливо се споменуваше и Зинедин Зидан кој е без ангажман.
