Марио Балотели, контроверзниот италијански напаѓач имаше неколку интересни забелешки по натпреварот меѓу Украина и Италија, кој заврши 0:0.
Италија се пласираше на ЕУРО 2024 каде ќе ја брани титулата освоена пред три години, а асот на турски Адана Демирспор смета дека за него има место во репрезентацијата.
„Кога сум здрав, сè уште сум најдобриот италијански напаѓач. Сакам да се вратам во репрезентацијата. Секогаш се надевам на покана“, изјави Балотели.
Марио се одрази и на учинокот на двајцата напаѓачи кои играа на неговата позиција.
„Дали Скамака и Распадори воопшто беа на теренот? Колку удари упатија заедно? Два? Сè ви е јасно“, рече популарниот СуперМарио.