Поранешниот американски претседател Барак Обама доби Еми награда за улога на наратор во неговата документарна серија „Our Great National Parks“.
Станува збор за серија на Netflix во пет делови, првата епизода е прикажана во април годинава. Обама веќе освои две Греми награди, за аудиоверзија на неговите мемоари „The Audacity of Hope“ и „Dreams from My Father“. За пополнување на познатата листа награди Еми, Греми, Оскар и Тони му недостигаат уште Оскар и Тони.
Според Entertainment Weekly, само на 17 луѓе им успеало да го достигнат тоа, а меѓу нив се Мел Брукс, Вупи Голдберг, Одри Хепберн и Џенифер Хадсон.
Обама не е единствениот американски претседател награден со Еми, оваа награда му беше доделена на Двајт Ајзенхауер во 1956 година. Во неговиот случај, станува збор за почесна награда.