Барселона славеше над Валенсија со 4:2, во 28. коло и го задржа чекорот со Реал во шампионската трка.
Барса се мачеше против Валенсија, а клучниот момент на натпреварот се случи во 45. минута кога Мангала направи прекршок за пенал и доби црвен картон.
Токму Мангала го постигна првиот гол на натпреварот по половина час игра.
Израмни Луис Суарез во 41. минута, а Меси во 45.минута пеналот го претвори во предност на Барса од 2:1.
Но, само што тргнаа од центарот, играчите на Валенсија израмнија преку Мунир.
Во второто полувреме, Меси со својот втор гол во 72. и Андре Гомеш во 89. минута ги поставија конечните 4:2.
