Претседателот на Србија Александар Вучиќ денеска ќе се обрати до нацијата, соопшти Службата на претседателскиот Кабинет за соработка со медиумите.
Вучиќ ќе се обрати до нацијата во 15 часот од зградата на Генералниот секретаријат на претседателот на Андриќев венец. Обраќањето ќе се пренесува во живо на ТВ-каналите B92 и Prva.
Претседателот на Србија се обрати на јавноста и вчера преку прес-конференција во 18 часот, на која најави дека во Белград повторно ќе се воведе полициски час од петок до понеделник. Набрзо потоа во Белград избувнаа протести кои почнаа како мирни, но за кратко време се претворија во насилство и судири со полицијата.
Директорот на полицијата денеска изјави дека по само половина час било јасно во која насока ќе се одвива ситуацијата, кога група хулигани го блокирала приодот до возилото на Брзата помош.
Во меѓувреме, српскиот министер за здравство Златибор Лончар изјави дека конечната одлука за воведување на полициски час за викендот ќе ја донесе Кризниот штаб во наредните два дена.
Тој не прецизираше дали мерката ќе биде воведена само во Белград или на територијата на цела Србија, но нагласи дека не намерата да се „казнуваат“ оние кои се придржуваат до сите епидемиолошки мерки.
