Ако сакате да изгубите неколку килограми, можеби сте забележале дека постои навидум бескрајна понуда на совети и трикови за слабеење кои изгледаат прилично едноставни. Но, кои трикови навистина можат да ви помогнат во овој процес?
Според истражувањето на клиниката „Мајо“, постојат неколку начини да ги изгубите вишокот килограми без дополнителен напор. Промената на малите навики може долгорочно да направи голема разлика.
Согорувајте калории со секојдневни активности
Согорувањето на калориите со секојдневните активности како одење по скали наместо со лифт се нарекува NEAT, и тоа е едноставен концепт што може да доведе до губење на тежината. Овој тип на активност може да ви помогне да согорите неколку стотици дополнителни калории над вашата основна вредност.
Црвеното месо заменете го со печурки
Еден од најлесните начини за слабеење е да внесувате помалку калории од вообичаеното. Можете да ги намалите калориите ако наместо црвено месо јадете печурки, кои исто така се богати со протеини и не содржат многу калории.
Заменете ги појадокот и вечерата
Наместо вечерата да биде најтежок оброк, заменете ја храната со онаа што ја јадете за појадок. Студијата од 2013 година објавена во списанието Obesity покажа дека жените што јаделе појадок од 700 калории и вечера од 200 калории изгубиле повеќе килограми и се чувствувале помалку гладни во текот на денот од оние што јаделе појадок од 200 калории и вечера од 700 калории.
Пијте две чаши вода 30 минути пред јадење
Иако тоа не е магично решение, пиењето обична вода 30 минути пред оброк може да ви помогне да изгубите тежина. Една потенцијална причина зошто тоа се случува е тоа што волуменот на вода може да ви помогне да се чувствувате посити. Исто така, можете да ја збогатите и со парче лимон и листови нане.
Наполнете ја чинијата со зеленчук
Една од најдобрите опции за слабеење е да го зголемите внесот на зеленчук во вашите оброци. Се разбира, тоа значи зеленчук кој е свеж или варен без маснотии и млечни производи како кајмак. Направете ја вашата чинија 50% зеленчук, 25% протеини и 25% житарки.
