Хроника

Безживотно машко тело најдено на Шар Планина

16. февруари 2020 - 15:04 | МИА

Машко безживотно тело претпладнево е најдено на Шар Планина по што полициски службеници од Тетово со хеликоптер заминале до местото за да направат увид. Според пријавата, станува збор за тешко пристапен терен во реонот на врвот Кобилица.

– Околу 10:55 во СВР Тетово се јавило лице кое се претставило како планинар и пријавило дека забележал безживотно машко тело над селото Вејце и на пат за врвот Кобилица. Според неговата изјава, до телото имало и торба. По овластување на јавен обвинител, екипа на СВР Тетово замина до местото за да се направи увид, изјави портпаролот на СВР Тетово, Марјан Јосифоски.

По наредба на тетовското Обвинителство, телото ќе биде предадено на обдукција во Институтот за судска медицина во Скопје. 

Коментирај