Американскиот милијардер Бил Гејтс проговори за разводот од сопругата Мелинда, објаснувајќи дека станува збор за еден од најтешките моменти во неговиот живот. Вели дека тоа е еден од неговите најголеми лични порази во последните неколку години.
„Ги допрев некои од најниските точки во приватниот живот во последните неколку години, а тоа се смртта на татко ми и разводот од сопругата. Мелинда и јас продолживме заедно да ја водиме организацијата, па најдовме нов работен ритам со кој сме задоволни. Но, не можам да кријам дека оваа година беше особено тажна за мене“, напиша Гејтс на блогот.
Татко му почина на возраст од 94 години во септември, 2020 година, а веќе во 2021 година Бил се разведе од Мелинда. Разводот го финализираа во август, 2021 година по 27 години брак.
„По многу размислување и работа на нашата врска, донесовме одлука за развод на бракот“, изјавија тогаш во заедничка изјава до јавноста.