Судската порота во Пенсилванија го осуди комичарот Бил Крозби по три точки од обвинението за дрогирање и сексуално злоставување на неговата поранешна пријателка Андре Констанд во 2004 година.
Новинската агенција Ројтерс оцени дека ова беше одлучувачка победа на обвинителството во едно од првите судења на познати личности обвинети за сексуални напади, во време кога јавноста „се разбуди“ против ваквиот тип на насилства, а шоубизнисот изразува поддршка со кампањата #MeToo.
Козби (80), најпознат по улогата во популарната ТВ-серија „The Cosby Show“, се соочува со 10 години затвор за секоја од точките по кои е прогласен за виновен, што значи дека можно е доживотно да остане во затвор.
Тој е осуден за злоставување на Констанд, која сега има 45 години, во неговата куќа во Филаделфија.
Констанд е една од 50 жени кои го обвинија Козби за сексуален напад.
Ројтерс наведе дека останатите тужби се сметаат за застарени дела и дека најверојатно не може да се отворат кривични постапки.
