Ноќеска во НБА го видовме дуелот на двајцата најголеми кандидати за МВП титулата сезонава, Никола Јокиќ и Лука Дончиќ.
Денвер Нагетс го пречека Далас Маверикс и забележа победа од 118:109, а најдобри поединци во двете екипи беа српскиот и словенечкиот ас.
Јокиќ забележа трипл-дабл завршувајќи го натпреварот со 14 поени, 13 скока и 10 асистенции, а одлична помош имаше и од соиграчите - дури петмина имаа двоцифрен учинок, од кои Џеф Грин постигна најмногу поени (24).
На другата страна исклучително ефикасен беше Дончиќ кој постигна 37 поени со 12/22 шут од поле, а имаше и 4 скока и 9 асистенции.
Сепак, неговите соиграчи не беа исто расположени како оние на Јокиќ, а единствен вреден за спомнување е Крис Вуд со неговите 17 поени.
Од останатите натпревари за издвојување е победата на Бостон Селтикс против Детроит Пистонс со 127:109. Џејсон Тејтум го предводеше Бостон со 38 поени, 9 скока и 7 асистенции, додека на другата страна Бојан Богдановиќ постигна 28 поени со 5 скока.
Резултати:
Шарлот Хорнетс - Сан Антонио Спарс 120:110
Индијана Пејсерс - Чикаго Булс 117:113
Атланта Хокс - Њујорк Никс 101:122
Бостон Селтикс - Детроит Пистонс 127:109
Бруклин Нетс - Мајами Хит 116:105
Филаделфија 76ерс - Кливленд Кавалирс 118:112
Мемфис Гризлис - Јута Џез 117:11
Оклахома Сити Тандер - Хјустон Рокитс 133:96
Денвер Нагетс - Далас Маверикс 118:109
Лос Анџелес Лејкерс - Њу Орлеанс 120:102
Табела: