Поради протест и блокада на магистралниот пат Велес-Штип во близина на село Сарамзалино сообраќајот ќе биде во прекин од 13 до 14 часот, информираат од АМСМ.
Од 10:35 часот, поради собир на граѓани, блокиран е патниот правец Штип-Скопје кај новата патарина Кадрифаково.
Активностите на граѓаните кои протестираа против францускиот предлог во изминатите шест дена, денес продолжуваат со блокади низ државата, а протест повторно е најавен за во недела во 19 часот.
Блокади се најавени во периодот од 13 до 14 часот во Скопје пред Владата, како и на магистралните патишта Штип-Велес, Струмица-Радовиш и Плетвар-Прилеп.
