Откако дивизијата BMW M започна со работа во 1972 година, само три модели официјално ја носеа ознаката CSL, оригиналниот 3.0 CSL, генерацијата E46 M3 CSL и најновиот M4 CSL, сепак, има уште четири „тајни“ прототипови CSL кои никогаш не ја виделе светлината на денот.
Во „тајната“ група е „лудиот експеримент“, E46 со V8 мотор од E39 M5, што значи дека е придвижуван од 5.0-литарски осумцилиндричен мотор кој развива 400 КС.
BMW направи и еден M5 CSL, а тоа е седан E60 кој изгледа како реклама за М одделот или како спонзорски автомобил. Ова чудовиште под хаубата има V10 мотор чиј волумен е зголемен од 5,0 на 5,7 литри, а резултатот е звук како оној што го создаваат старите болиди на Формула 1.
Моторот развива 621 КС и е поврзан со менувач со двојна спојка, а вкупната тежина на автомобилот е намалена за 150 кг.
Неговиот сериски брат E63 M6 не е само купе верзија на седанот. Вистина е дека има подобрен мотор како и прототипот M5 CSL, истиот менувач со двојна спојка и 100 килограми помалку, но има разлика во активната аеродинамика, подвижен преден сплитер и активно задно крило за подобар проток на воздух. Доби и аеродинамични странични ретровизори и е многу стабилен при големи брзини.
BMW го претстави и прототипот F87 M2 CSL кој содржи елементи на M4 GTS и има подобрен мотор кој развива 444 КС. Има и кади, карбонски заден спојлер и карбон-керамички сопирачки.
