BMW го објави тизерот со кој го најави пристигнувањето на моделот M4 GT4, тркачкиот автомобил кој е наменет за купувачите.
Новиот тркачки автомобил е базиран на G82 генерацијата на BMW M4, кoј е директен наследник на F82 генерацијата на моделот М4 GT4, која дебитираше во 2017 година.
BMW M Design објави само еден тизер кој покажува како ќе изгледа овој автомобил, а се гледа дека ќе биде поинаков од претходниците. Редизајнирана е предната маска, а поизразен е дифузорот.
Ќе го движи 3,0-литарски твин турбо мотор кој ќе развива помалку од 503 КС. Внатрешноста ќе биде поинаква во однос на стандардниот М4.
Цената сè уште не е објавена, но овој модел од минатата генерација во Европа чинеше околу 170.000 евра.