Премиерата на „Incredibles 2“ го одбележа викендот кој е зад нас на филмски план, освојувајќи го светскиот боксофис со заработка од огромни 180 милиони долари, најголемата забележана досега за премиерен викенд на анимиран филм.
Со заработка од скоро 10 пати повеќе од второпласираниот „Ocean’s 8“, „Incredibles 2“ ги изненади дури и најголемите оптимисти.
Цели 14 години по дебито на првиот „Incredibles“, пристигна продолжението на овој анимиран хит кое публиката со нетрпение го чекаше. И тоа не беше лажен ентузијазам, туку навистина изгледаше дека публиката беше „гладна“ за уште една авантура на познатото семејство на суперхерои. Со заработката од 180 милиони долари уште во првиот викенд, „Incredibles 2“ го урна рекордот за најдобар премиерен викенд на анимиран филм на сите времиња.
На второто место се најде „Ocean’s 8“, кој по солидниот премиерен викенд не успеа да изненади уште еднаш и изгледа дека набрзо ќе падне надвор од Топ 5 филмовите со најголема заработка.
Добар викенд имаше новитетот „Tag“, кој заработи нешто помалку од 15 милиони, со што исплати половина од продукцискиот буџет за филмот. Во главните улоги во овој филм се наоѓаат Џереми Ренер, Ед Хелмс и Џон Хем.
Топ 10 филмови со најголема заработка минатиот викенд:
- Incredibles 2 – 180 милиони долари
- Ocean’s 8 – 19,5 милиони
- Tag – 14,6 милиони
- Solo: A Star Wars Story – 9 милиони
- Deadpool 2 – 8,8 милиони
- Hereditary – 7 милиони
- Superfly – 6,3 милиони
- Avengers: Inifinity War – 5,2 милиони
- Adrift – 2,1 милиони
- Book Club – 1,8 милиони