Боксофис: „Pacific Rim: Uprising“ го симна „Black Panther“ од врвот

По повеќе од еден месец на самиот врв на боксофисот, конечно „Black Panther“ оваа недела не беше филмот кој заработи најмногу во светските киносали. На првото место овојпат се најде „Pacific Rim: Uprising“.

Сепак, и покрај тоа што „Black Panther“ беше симнат од самиот врв, никој не може да каже дека тој имаше лош викенд. Напротив, тој се најде на второто место на листата на филмови со најголема заработка во светските киносали, заработувајќи повеќе од 16 милиони американски долари.

Помеѓу десетте филмови со најголема заработка се најдоа уште три новитети, покрај „Pacific Rim: Uprising“, тоа се анимираниот „Sherlock Gnomes“, религиозниот „Paul, Apostle of Christ“ и „Midnight Sun“.

Целосната листа на филмови со најголема заработка викендов изгледа вака:

1. Pacific Rim: Uprising – 28 милиони долари
2. Black Panther – 16,6 милиони
3. I Can Only Imagine – 13,8 милиони
4. Sherlock Gnomes – 10,6 милиони
5. Tomb Raider – 10,4 милиони
6. A Wrinkle in Time – 8 милиони
7. Love, Simon – 7,8 милиони
8. Paul, Apostle of Christ – 5 милиони
9. Game Night – 4,1 милиони
10. Midnight Sun – 4,1 милиони