Голгетерот на Лацио беше цел на лавина критики за инцидентот, но заменик-капитенот на „Аѕурите“ на смешен начин го опиша неговото експресно опоравување.
За време на четвртфиналниот дуел помеѓу Белгија и Италија, освен одличната победа на „Аѕурите“, во центарот на вниманието се најде и Чиро Имобило и неговиот обид за глума за пенал, а потоа експресното опоравување.
Во 31. минута Имобиле падна во белгискиот шестнаесетникот по еден контакт со капитенот Јан Вертонген и остана да се привиткува откако судијата не ја прекина играта. Но, во продолжението на акцијата Николо Барела постигна гол носејќи ѝ водство на Италија од 1:0.
Како што сите италијански фудбалери тргнаа по стрелецот да му се радуваат на голот, Имобиле заборави на повредата, рипна на нозе и дотрча да слави како ништо да не му се случило. Тоа само потврди дека немал никаква повреда туку се обидувал да изнуди пенал.
„Тоа се работи кои се случуваат на терен. Чиро почувствува удар и реши да падне“, објаснува Леонардо Бонучи.
„Потоа, радоста за гол на вакви натпревари е толку голема што те тера да заборавиш било каква болка. Му се смеевме и го зафркававме за тоа, но толку беше за нас, потоа заборавивме на тоа“, додава тој.
