Легендарниот германски тенисер Борис Бекер е пуштен од затвор и ќе биде депортиран од Обединетото Кралство.
Бекер отслужи 8 месеци од две и пол години затворска казна, на која беше осуден поради обид да сокрие 2,5 милиони фунти и недвижнини, откако прогласи банкрот.
Бекер прогласи банкрот пред 5 години, а во моментот на банкротот неговите долгови беа проценети на 50 милиони фунти.
Тој префрлил стотици илјади евра од неговата сметка на сметките на бившите сопруги, се обидел да сокрие 75.000 акции во компјутерска фирма, како и станови во Англија и во Германија.
Беше прогласен за виновен по 4 од 24 точки, а почетокот на казната ја отслужи во лондонскиот затвор Вандсворт. Станува збор за затвор стар 170 години, што важи за нечист, полн со стаорци и опасни криминалци. Во него требаше да мине година и 3 месеци.
Но, беше преместен во затвор каде работеше како фитнес тренер и инструктор во вежбалница. Денес е пуштен од затвор и ќе биде депортиран од Обединетото Кралство.
