Шпанскиот тенисер Карлос Алкарас го откажа настапот на турнирот во Барселона.
Момчето од Мурсија минатата недела не играше во Монте Карло поради повреда на мускулот на десната рака.
На последниот тренинг пред заминувањето во Барселона, беше јасно дека состојбата на Алкарас не е добра.
Според информациите од Шпанија, тој едвај можел да го удри топчето и по долги разговори со својот лекарски тим реши да го откаже настапот.
Наместо Алкарас, еден од среќните губитници ќе биде во главниот жреб во Барселона.
Алкарас требаше да биде слободен на стартот на ова натпреварување од серијата 500, за во второто коло да го чека подобриот од дуелот Лука Ван Аше - Чан Чичен.
Шпанецот моментално е трет на АТП листата, а следен турнир би требало да му биде мастерсот во Мадрид.
Инаку, Алкарас претходните две години го освојуваше турнирот во Барселона. Бидејќи годинава нема да настапи ќе остане без 500 поени.
