Новак Ѓоковиќ застана пред новинарите пред новиот меч на Мастерс турнирот во Монте Карло каде денеска игра против Алекс Де Минаур, а на едно прашање одби да одговори.
Новинарка го праша Ѓоковиќ како и на 36-годишна возраст сè уште е на врвно ниво и го замоли да го сподели својот рецепт.
„Новак, имаш 36 години, може ли да ни кажеш за твојот план за тренинзи, опоравување и исхрана?“, беше прашањето на новинарка на прес-конференцијата, но Србинот реши да не одговори.
„Не можам да зборувам премногу за тоа бидејќи сакам да задржам нешто за себе“, смирено изјави Ѓоковиќ, кој оваа недела го собори рекордот на Роџер Федерер со тоа што стана најстариот тенисер што некогаш се најде на првото место на АТП листата.
„Ќе има различни начини на споделување во блиска иднина, но сè што можам да кажам е дека посветив повеќе од 15 години за да ги средам моето тело и ум. И се исплатеше, на 37 години сум број еден во светот и играм на највисоко ниво“, гордо изјави Ѓоковиќ.
„Тоа е добивката од она што многу го вложив во себе и моето тело, како и во мојот тим. Мило ми е што ја сфатив важноста на тоа на почетокот на мојата кариера. Отсекогаш сум имал долгорочен план да играм што е можно подолго за да ѝ дадам поголема шанса на мојата кариера да освојам што повеќе титули. Практично, по 30 години имам подобра кариера отколку порано“, заклучи Ѓоковиќ.
