Бритни Спирс абортирала откако останала бремена во врската со Џастин Тимберлејк, се вели во објавените делови од нејзините мемоари.
Новата книга на поп-ѕвездата, The Woman in Me („Жената во мене“), делумно се фокусира на 13-годишното конзерваторство под кое беше законски ставена од татко ѝ Џејмс Спирс.
Џастин „не бил среќен“ поради тоа што Бритни е бремена, се вели во делови од книгата објавени во магазинот People.
„Тој рече дека не сме подготвени да имаме бебе во нашите животи“, вели таа.
Поп-пејачите беа заедно во нивните доцни тинејџерски години помеѓу 1999 и 2002 година.
Џастин бил „многу сигурен дека не сака да биде татко“, пишува Бритни.
Таа вели дека не знаела дали постапката била правилната одлука и дека немало да абортира доколку изборот не бил оставен само на неа.
„За мене тоа не беше трагедија. Толку многу го сакав Џастин. Отсекогаш очекував еден ден да имаме семејство заедно. Ова ќе беше многу порано отколку што очекував“.
BBC побара коментар од Џастин Тимберлејк, но не доби повратен одговор.
Бритни оттогаш има две деца - Шон Престон (18) и Џејден Џејмс (17) со нејзиниот втор сопруг, Кевин Федерлајн. Џастин е во брак со актерката Џесика Бил и имаат два сина.
Книгата на 41-годишната поп-ѕвезда треба да биде објавена на 24 октомври - две години по завршувањето на конзерваторскиот договор, за кој таа вели дека „ја лишил од нејзината женскост“.
Таа пред судот во 2021 година сведочеше дека била дрогирана, принудена да настапува против нејзината волја и дека била спречена да има повеќе деца.
Нејзиниот татко имал моќ над нејзините финансии и одлуки за кариерата, како и големи лични работи, како што се нејзините посети на нејзините синови тинејџери и дали таа би можела повторно да се омажи.
Во својата книга таа нуди повеќе сознанија за договорот што „ѝ ја уништил душата“.
„Жената во мене долго време беше потисната“, пишува Бритни. „Тие сакаа да бидам дива на сцена, како што ми кажуваа да бидам, и да бидам робот остатокот од времето“.
Меѓу неколкуте обвинувања, таа вели дека нејзиниот татко постојано ѝ кажувал дека изгледа дебело и ја инфантилизирал. Таа тврди дека конзерваторството на крајот ѝ ја одзело страста за настапување.
Книгата содржи и повеќе радосни моменти од нејзиното детство, вклучително и кога се вратила во средно училиште во Кентвуд, Луизијана, во потрага по нормалност.
„Имаше нешто прекрасно нормално во тој период од мојот живот: одење дома и матурската забава, возење низ нашиот мал град, одење во кино“, пишува таа.
Нормалноста била краткотрајна. Бритни вели дека брзо била повикана да настапува, потпишувајќи договор со Jive Records на 15 години.
Таа вели дека годините по конзерваторскиот договор ѝ дозволиле да изгради нов идентитет.
Џастин Тимберлејк им се извини на Бритни Спирс и Џенет Џексон: Знам, потфрлив
