Министерот за здравство на денешната прес-конференција истакна дека со непочитување на мерките за заштита, бројот на нови случаи нема да застане.
„Со непочитување на мерките на заштита бројот на нови случаи нема да застане. Друг начин за ставање на крај на епидемијата не постои и тоа се покажа и во другите земји од светот“.
- Маска, дистанца и примена на протоколите е нешто што сите треба да го почитуваме, апелира министерот.
„Ако не сфатиме дека уште долго ќе живееме со вирусот, ќе се соочуваме и понатаму со нови случаи и нема да го стопираме ширењето на вирусот. Многу од економските оператори не работат и трпат загуби, градинките не работат бидејќи сакаме да ги заштитиме децата. Заврши и училишната година за да нема групирања и апелирам до родителите да им укажат на децата дека треба да носат маска и да не се групираат“, вели министерот.
„Иако младите поретко заболуваат и се асимптоматски, тие можат да ја шират инфекцијата. Апелирам и до сите граѓани да се почитуваат мерките за конечно да се стабилизира состојбата“.