Овој намаз од туна се прави многу лесно, и може да направите повеќе и да го ставите во фрижидер за повеќекратна употреба. Одличен е за брз доручек или вечера, или пак закуска за гости.
Потребни состојки:
- Конзерва туна
- 4 маслинки
- 1/4 црвен кромид
- 2 големи лажици павлака
- малку сол и бибер
Сите состојки, освен павлаката ставете ги во еден сад и сомелете ги со пасатор или рачен миксер. Потоа додатете ја павлаката и по желба малку лимон.
Намазот е готов, а истиот може да го јадете како сос со ѓеврече, како намаз на кришка леб или крекери, или пак да го искористите како состојка за сендвич, дополнет по ваша желба.
Пријатно јадење!
