Фудбал

Буфон доби понуда да ја заврши кариерата во Бока Јуниорс

16. април 2018 - 15:11 | М.Д.

Аргентинскиот великан Бока Јуниорс подготвува сензационален трансфер, бидејќи во своите редови сака да го доведе голманот на Јувентус Џанлуиџи Буфон, пишуваат тамошните медиуми.

Имено, Бока Јуниорс на славниот 40-годишен голман му нуди да брани уште една година и својата богата кариера да ја заврши во Буенос Аирес.

Буфон од порано најавуваше дека оваа сезона ќе му биде последна во кариерата, но Бока ќе се обиде да го одговори од таква одлука.

За потсетување, овие два клуба имаат успешна соработка во последните три години.

Така, Карлос Тевез токму од Јувентус премина во редовите на Бока, додека во спротивен правец замина Родриго Бентанкур.

Аргентинскиот клуб се надева дека до 7 август ќе го убеди Буфон да замине од Јувентус, кој има подготвена замена во Војчех Шчешни.

Коментирај