Работници од Филипините, Бангаладеш и претежно од неразвиените или земјите во развој ги градат стадионите во Катар, а сега им е преку глава од сè.
Мундијалот е сè поблиску, а на неполни три недели до почетокот на Светското во Катар не престануваат скандалите поврзани со организацијата. Со години разни организации протестираат за условите во кои живеат и работат странските работници во Катар додека градат стадиони и објекти потребни за Мундијалот, а сега доаѓа веста дека овие работници сè уште не зеле плата!
Работниците главно од Азија, Филипините, Бангладеш и други неразвиени или земји во развој главно го носат товарот на изградба на нови стадиони, хотели и поврзувачки објекти.
L'Équipe пишува дека работат прекувремено и без слободен ден, сега наведуваат дека се блиску вистински бунт бидејќи на работниците не им се исплатени платите.
Светската организација на трудот во својот извештај наведе дека има дури 34.425 поплаки од работници за неплаќање, наведува и дека дури 67 отсто од овие тужби се решаваат со вонсудски спогодби, а 33 отсто кои завршиле на суд во 84 отсто од случаите се решаваат во корист на работниците.
Некои репрезентации како Норвешка го истакнаа овој проблем, доделувањето на организацијата на Мундијалот на Катар беше многу проблематично и го преместија Мундијалот во сосема поинаков датум од вообичаеното, па засега се чини дека оваа одлука на ФИФА е големо промашување.