На Волстрит, цените на акциите вчера благо пораснаа, продолжувајќи ги добивките во текот на јули, додека инвеститорите ги очекуваат новите квартални деловни извештаи од компаниите.
Dow Jones зајакна за 0,28 отсто, на 35.559 поени, додека S&P 500 порасна за 0,15 отсто, на 4.588 поени, а индексот Nasdaq за 0,21 отсто, на 14.346 поени.
Истовремено, во осум од 11-те најважни сектори на индексот S&P 500, цените на акциите пораснаа, а највисоко, во просек за 2 отсто, во енергетскиот сектор, благодарение на растот на цената на нафтата, кои се на највисоките нивоа во последните три месеци.
Инвеститорите се воздржани, по силниот раст на цените на акциите во јули, петти месец по ред.
S&P 500 и Dow Jones индексот пораснаа за повеќе од 3 отсто минатиот месец, а Nasdaq за повеќе од 4 отсто. Во последните денови инвеститорите се фокусираат на кварталните деловни резултати на компаниите. Досега, повеќе од 160 компании од индексот S&P 500 ги објавија своите деловни резултати, при што околу 80 отсто од нив ги надминаа проценките на аналитичарите по заработка.
Затоа, во истражувањето на Reuters, сега аналитичарите проценуваат дека заработката на компаниите од индексот S&P 500 во вториот квартал паднала за 6,4 отсто на годишна основа, додека пред една недела очекувале пад од 7,9 отсто. Но, на почетокот на јули се очекуваше пад на заработката од 5,7 отсто.
Внимателно вчера се тргуваше и на европските берзи. Лондонски FTSE индекс зајакна за 0,07 отсто, на 7.699 поени, а париски CAC се зголеми за 0,28 отсто, на 7.497 поени. Франкфуртски DAX ослабе, пак, за 0,14 отсто, на 16.446 поени. Во текот на јули, индексот STOXX 600 на водечките европски акции порасна за речиси 2 отсто.