Ако постојано кашлате и ве боли грлото, може природно да ги ублажите тегобите.
Поради болки во грлото, многу луѓе прво ќе побараат помош во аптека и ќе посегнат по ХХХ или спрејови, но има и многу кои се поддржувачи на домашните методи за санирање на споменатиот здравствен проблем.
Ако сте во оваа втора група, тогаш треба да се запознаете со сите придобивки од бел слез. Белиот или питом слез (лат. Althaea officinalis) е повеќегодишно растение од семејството на слезови кое може да порасне и до 150 сантиметри во висина. Латинското име на растението се однесува на неговите лековити својства.
Имено, белиот слез припаѓа на родот Althaea, чие име доаѓа од зборовите althainein (лекување) и althos (медицински агенс). Исто така, може да ги намали симптомите на сува и иритирачка кашлица. Неговиот корен ослободува акумулирана слуз во носот, грлото и белите дробови за болниот човек полесно да се искашла.
Најлековитиот дел од белиот слез е неговиот корен од кој се прави чај. Овој пијалак со векови се користи како лек за болки во грлото, а помага и при ефектите од бронхитис и разни белодробни заболувања.
Студија од 2019 година покажа дека коренот од бел слез може да понуди брзо ослободување од симптомите поврзани со респираторните состојби. Тоа е затоа што коренот од бел слез помага да се изгради заштитна обвивка што ги обложува мукозните мембрани на устата и грлото, намалувајќи ја иритацијата и отокот.
