На луѓето изгледа им треба потсетник дека не треба да се однесуваат со дивите животни како со миленици, бидејќи работите можат да се одвиваат според непланираното. Покрај тигрите, лавовите и јагуарите исто така се сметаат за едни од најопасните животни во светот. Колку и да изгледаат питомо, нивните реакции се непредвидливи.
55-годишниот Питер Нортје ова го дозна на потешкиот начин, за малку раката ќе му беше откорната од челуста на бела лавица, која тој се обиде да ја гали. За време на посета на ресорт со диви животни во Јужна Африка,како дел од прославата за 10-годишнината од бракот, Питер за малку ќе останеше без рака. Видеото е морничаво, човекот заврши со септичен шок во болница, во сериозна состојба.
Сè се случува многу брзо, додека Питер гали млад лав, до него се доближува бела лавица и одеднаш неговата рака завршува во челуста на животното, кое го држи заробено неколку секунди.
