Ова се четири едноставни совети за оние кои немаат голем ентузијазам за напорните домашни работи. Ќе ви требаат само неколку секунди, а вашата бањата подолго ќе биде чиста и миризлива.
Тиктокерката Шантел Мила редовно на својот TikTok профил објавува совети за домаќинство и трикови за чистење и одржување на домот, а неодамна ги сподели и овие четири корисни совети.
Најпрвин препорачува откако веце школката ќе ја исчистите со тоалетна четка добро да ја исцедите четката на даската, за да не паѓаат капки вода на подот и да се избегне дополнителен неред.
Следниот совет, вели, ќе помогне вашата бања да изгледа како хотел: преклопете го крајот на тоалетната хартија во триаголник и со помош на славината од мијалникот направете ваш печат за да изгледа отмено.
Третиот совет се однесува на свежиот мирис на бањата, кој, како што вели, ќе го постигнете ако на ролна тоалетна хартија пуштите три капки есенцијално масло од чајно дрво, за бањата подолго да мириса убаво.
Последниот совет се однесува на миење на сите површини во бањата и тоа со средство за чистење кое може да го направите сами. Шантел препорачува мешавина од алкохолен оцет, детергент за садови и масло од чајно дрво.
„Деталите го прават просторот совршен“, велат нејзините следбеници.
@mama_mila_ Secrets to a clean and beautiful bathroom 🌿 #cleaninghacks #homehacks #tipsandtricks #bathroomaesthetic ♬ Slumber Party (feat. Princess Nokia) - Ashnikko
