Бујните зелени растенија се познати неутрализатори на негативната енергија во домот, а според древните верувања, привлекуваат енергија на благосостојба и богатство.
Според фенг шуи, присуството на т.н. „дрвја на парите“ во просторијата позитивно влијае на работните способности, работата и му носи на сопственикот подобар приход. Ви ги претставуваме четирите најпознати растенија кои привлекуваат пари...
Красула е дефинитивно најпознатата и најраспространета билка која носи пари. Потекнува од Јужна Африка и го добило името по лисјата во овална форма што личат на паричка. Припаѓа на видот сукуленти (лисјата се месести и складираат вода). Може да достигне висина до три метри, иако ваквите примероци се нешто поретки. Красула цвета во текот на зимата до пролетта со ситни бели цвеќиња.
Почвата во која треба да се сади е иста како и за кактусите и другите сукуленти - 40 проценти песок 20 проценти шумски хумус, 20 проценти земја за цвеќиња, а остатокот фин чакал или искршена тула. Како и повеќето сукуленти, бара зимско мирување кога растението треба да се полева што е можно помалку, 1-2 пати во текот на целата зима. Температурата во тој период не смее да падне под 0, бидејќи растението ќе замрзне (идеалната температура е околу 10 степени). Може да го чувате во домот на топло, но да го полевате почесто.
Ова растение се нарекува и „дрво на парите“. Поради својот привлечен изглед и верување дека носи среќа и пари во домот, пахирата неодамна стана многу популарно домашно растение. Потекнува од тропските мочуришта на Централна и Јужна Америка, каде што расте како дрво кое може да достигне висина од дури 18 метри. Сепак, дома, неговата висина се движи од 60 см (како бонсаи), па до два метра.
Пахирата има три, пет или повеќе помали дрвја кои се испреплетени, со што се формира централно дрво. Цвета по тригодишна возраст, но ретко во затворен простор.
Лесно се одржува. Сака светли места, но не смее да биде изложено на директна сончева светлина. Идеалната температура во соба лете е 16-24 степени, додека во зима е потребна минимална температура до 14°С. Добро е да се полева со отстоена вода. Во зима, полевајте го помалку, затоа што тогаш растението е во мирна фаза, па со намалувањето на светлината, потребата за вода се намалува.
Златниот ползавец е едно од најпопуларните виси украсни растенија. Потребна е минимална грижа, и расте многу брзо. Потекнува од земјите на Далечниот Исток и се верува дека привлекува просперитет.
Не толерира директно изложување на сончева светлина, но не сака и целосна темнина. Редовно наводнување е пожелно, но треба да внимавате да не претерувате со количината на вода - имено, златниот ползавец има релативно мал корен, така што лесно може да изгние. Ова растение има корисен ефект врз луѓето бидејќи го отстранува формалдехидот од воздухот со што се подобрува неговиот квалитет.
Како што сугерира неговото име, потекнува од Кина, но мисионерите го шират ова растение низ целиот свет, а најпопуларно е во скандинавските земји.
Иако доаѓа од планински области, нема да ја преживее зимата на отворено. Значи, треба да се донесе дома на есен. Сака вода и треба често да се наводнува. Исто така, сака светлина, но не е добро да се изложува директно на сонце.
