Човек кој бил удрен од голема бела ајкула додека пливал, рекол дека пријателското суштество само се обидувало да го предупреди дека има рак и дека би ја прегрнал доколку би можел.
Обично средните со ајкули во вода завршуваат погубно по луѓето, но случката на Јуџин Фини е толку спротивна, што е практично неверојатна.
Човекој кого го удрила голема бела ајкула додека пливал со својата ќерка, му се заблагодари на суштеството што му го спасило животот, бидејќи отишол во болница по нападот и дознал дека има рак.
Јуџин Фини пливал во морето кај Хантингтон Бич, Калифорнија во јули 2015 година кога нешто силно го удрило одзади. Откако излегол од морето, неговата десетгодишна ќерка го прашала зошто му крвари грбот, а тој открил дека на грбот му се отворила рана долга 30 сантиметри. Фини потоа дознал од својата девојка и син дека виделе перки од ајкула во областа, што го навело Фини да верува дека го ајкулата го удрила.
Само два дена подоцна, голема бела ајкула нападнала сурфер во истата област. Откако се вратил дома, Фини отишол во болница бидејќи имал болки во градите и имал проблеми со спиењето.
По ЕКГ и рендген на градниот кош, лекарите „случајно откриле“ тумор лоциран на десниот бубрег на Фини. На Фини потоа му бил отстранет туморот заедно со приближно 20% од неговиот бубрег. Една недела подоцна, резултатите од биопсијата откриле дека туморот е малиген.
Зборувајќи за The Washington Post, Фини рече дека сега верува дека тоа што се случило е „порака од мајката природа“.
„Тоа е она што го започна овој синџир на настани што ме одведоа во болница за да ме известат за ова. Во спротивно, никогаш немаше да влезам во болница и тие немаше да откријат. Единствениот друг начин на кој можев да дознаам е ако туморот станеше толку голем што ќе метастазираше и почнеше да се шири. Тогаш ќе имав симптоми на рак во четврта фаза. Ќе почнев да губам тежина, а потоа ќе беше предоцна. Да можам ја најдам таа ајкула и да ја прегрнам, би го направил тоа“.
