Излегува дека ова обично собно растение може да ја отстрани прашината и токсините од воздухот, а според НАСА, може да помогне и во заштитата на вашиот дом од мувла.
Ова растение не само што е исклучително практично, туку и убаво, и не бара претерано одржување - што е добро за оние кои понекогаш се борат да ги одржат своите растенија живи.
Растението spathiphyllum, познато и како мирен крин, чини околу 15 евра, а кај нас се наоќа за 300-500 денари, што можеби на почетокот изгледа прескапо, но кога ќе дознаете сè за неговите предности, ќе разберете дека тоа е профитабилна инвестиција. Успева и во бањите и спалните соби и помага да се подобри квалитетот на воздухот преку отстранување на прашината и токсините од него.
Името му го даде НАСА во една од студиите што требаше да открие кои растенија се најдобри во прочистувањето на воздухот. Д-р. БиСи Вулвертон ја предводеше таа студија во 1989 година и резултатите покажаа дека ова растение навистина може да помогне во прочистувањето на воздухот.
Има многу скриени отрови во воздухот што го дишеме, како што се трихлоретилен кој се наоѓа во средствата за отстранување боја и во лаковите, формалдехид кој се наоѓа во синтетичките ткаенини, бензен во пластиката и чадот од тутун, ксилен кој се наоѓа во гумата и кожата и амонијак во производите за чистење и ѓубрива.
Спатифилумот помага со тоа што ја зема влагата од воздухот преку неговите лисја, а најдобро од сè, не му треба директна сончева светлина за да напредува, што значи дека е корисен за борба против мувла во влажни простории.
Ако имате многу влажност во бањата, тогаш ова растение е совршен избор за вас бидејќи ќе ви помогне во филтрирањето на воздухот.
Пред да купите вакво растение, важно е да се забележи дека е исклучително отровно и за мачките и за кучињата.
