По којзнае кој пат сјајниот Никола Јокиќ го предводеше Денвер до нова победа, а брилијантен настап имаше и Кевин Дурент.
Денвер Нагетс го совлада Торонто Репторс со 121:111 запишувајќи ја 42. победа сезонава, а на паркетот во „Бол“ арената царуваше српскиот центар Никола Јокиќ кој запиша дабл-дабл учинок од 19 поени и 11 скокови. Најефикасен на теренот беше неговиот соиграч Мајкл Портер со 23 поени.
Денвер со скор од 42-21 е на 4. место на Западот, додека сезонава очајниот Торонто има 26-37 и е дури 12-ти на Истокот.
Феноменална вечер имаше и Кевин Дурент кој постигна дури 42 поена пропратени со 10 асистенции во триумфот на Бруклин Нетс на гостувањето кај Индијана Пејсерс со 17 поени разлика.
За Бруклин ова беше 43. победа сезонава и со 20 порази и натаму е лидер на Источната конференција, каде Индијана со скор од 29-23 е на 9. место.
Резултати:
Детроит Пистонс - Далас Маверикс 105:115
Индијана Пејсерс - Бруклин Нетс 113:130
Хјустон Рокитс - Милвоки Бакс 143:136
Минесота Тимбервулвс - Голден Стејт Вориорс 126:114
Денвер Нагетс - Торонто Репторс 121:111
Оклахома Сити Тандер - Њу Орлеанс Пеликанс 95:109
