Продолжува хаваријата на Вориорс кои овој пат беа торпедирани пред своите гледачи од Маверикс.
Иако ниту еден играч не постигна повеќе од 21 поен, натпреварот помеѓу Голден Стејт и Далас заврши со вкупно 221 постигнат поен, а гостите победија со 27 поени разлика.
Канаѓанецот Двајт Пауел од редовите на Далас беше најефикасен со 21 поен, а веднаш зад него со оен помалку беше словенечкото чудо Лука Дончиќ. Дури 21 кошаркар се запишаа во листата на стрелци. За Вориорс ова е деветти пораз во низа со што продолжува најдолгата активна серија порази сезонава.
Каваи Ленард постигна 43 поени во победата на Клиперс над Кавалирс од 25 поени разлика. Ленард беше расположен поентер, но затоа забележа само 3 скока и 4 асистенции. Охриѓанецот Џеди Осман за Кливленд постигна 21 поен, 3 скока и 1 асистенција.
Резултати:
Атланта Хокс - Феникс Санс 123:110
Бруклин Нетс - Јута Џез 107:118
Мемфис Гризлис - Хјустон Рокитс 121:110
Милвоки Бакс - Њујорк Никс 128:102
Голден Стејт Вориорс - Далас Маверикс 97:124
Лос Анџелес Клиперс - Кливленд Кавалирс 128:103
