Емпатија, способност за поистоветување со друга личност, нејзините состојби и чувства, е резултат на нашето искуство и воспитание, но во одредена мерка на тоа влијаат и гените, покажа истражување на француски и британски научници.
Ова откритие е чекор напред во разбирањето на аутизмот. Лицата кои боледуваат од оваа болест, меѓу другото, имаат тешкотии при изразување на своите желби, потреби, способности и проблеми со кои секојдневно се борат, а тоа се одразува на нивното однесување.
Најголемото генетско истражување за емпатија во кое учествувале повеќе од 46.000 лица го организирала калифорниската биотехнолошка компанија „23andme“ која привлекува клиенти, за со помош на генетски тестови да го истражат своето потекло.
Нема објективно мерило за емпатија, но научниците истражувањето го базирале врз резултатите од „коефициентот на емпатија“.
„Научниците ги проучиле резултатите од геномите на споменатите 46.000 лица, за да заклучат дека „емпатијата делумно се наследува преку гените“.
„Најмалку десетина варијации на гени се поврзуваат со генетските фактори“, резимираа во соопштението научниците од Институтот Пастер, каде се вршело истражувањето.
Во соопштението исто така стои дека генетските варијации, кои ја намалуваат емпатичноста се поврзани со поголем ризик од развој на екстремна интровертираност.
