Сте размислувале ли некогаш дали кафето може да се расипе или дали може да се консумира по рокот на траење?
Не, кафето не може да се расипе, барем не на начинот на кој повеќето намирници можат. Нема да фати мувла како лебот, ниту да изгние како банана. Дури ни пиењето кафе со истечен рок нема да ви направи проблеми со стомакот.
Единствената работа која може да го уништи кафето е влагата, без разлика дали е во зрно или е мелено. Ако се навлажни, не може повторно да се употреби. Таквото кафе може да се расипе.
Исто така, кафето губи на квалитет. Кислородот е непријател број еден на печените зрна кафе. Со текот на времето, изложувањето на воздух прави кафето да го изгуби вкусот и интензитетот.
Иако зрната кафе нема да се расипат во рок од 3 до 4 недели, меленото кафе е најдобро да се испие во рок од две недели по отворањето.
Свежината на кафето може да ја сочувате со правилно чување, складирање. Користете херметички затворени садови и трудете се што помалку да биде изложено на воздух. Ако кафето го држите во оригиналното пакување, потрудете се пред затворањето на кесичката да го исфрлите воздухот од неа. Исто така, важно е садот со кафе да не биде изложен на сончеви зраци, извори на топлина и течности.
