Истиот ден кога Златко Далиќ го објави продолжениот список на репрезентативци за СП во Катар, од Грција стигна вест дека Домагој Вида е повреден и дека неговиот настап на Мундијалот е сериозно ставен во прашање.
Вида се повреди во последните моменти од средбата меѓу неговиот АЕК и ПАОК, тој ја напушти играта во 89. минута, а првите наоди покажаа дека се здобил со контузија на адукторот на левата нога.
Хрватската репрезентација ќе се собере на 13 и 14 ноември во Загреб, а со оглед на сложеноста на повредата и неопходното опоравување, најверојатно Вида нема да биде на првите подготовки и Далиќ ќе треба да одлучи дали ќе го однесе на Светско првенство или дали ќе мора да прибегне кон замени.
Кој ќе го замени Вида?
Што се однесува до бековите, во репрезентацијата се зацементирани Јурановиќ, Станишиќ, Гвардиол, Шутало, Ерлиќ, Соса, Баришиќ и Ловрен. Доколку Вида си замине, Далиќ ќе бира меѓу Ќалет-Цар и Понграчиќ.
Хрватска на 14 ноември ќе отпатува од Загреб во Ријад, два дена подоцна ќе одигра пријателски натпревар со Саудиска Арабија, а на 18 ноември ќе отпатува во базниот камп во Катар, каде на 20 ноември ќе започне Светското првенство.
Првиот натпревар на СП Хрватска ќе го одигра на 23 ноември против Мароко, а потоа следуваат натпреварите со Канада (27 ноември) и Белгија (1 декември).