Ново истражување покажува дека дури и оние со вишок на килограми без здравствени компликации имаат многу поголеми шанси да развијат болести на срцето отколку нивните врсници кои немаат проблем со килажата.
Прашањето кое се често поставува е дали е возможно да се биде здрав со вишок на килограми и дали без разлика на килажата, може да се избегне ризикот од срцев удар?
Идејата дека е возможно да се биде потполно здрав со вишок на килограми веќе долго време е контроверза и додека бројни експерти тврдат дека физичката активност е клучна, многу доктори се сомневаат во концептот кој не ја зема во предвид килажата.
Не е важно дали дебелите луѓе имаат проблеми со дијабетес, висок крвен притисок и холестерол или немаат, таа сосотојба се нарекува „метаболички здрава дебелина“.
Се додека имаат вишок на килограми, тие спаѓаат во групата на луѓе кои имаат зголемен ризик од удар, за 50 проценти поголем ризик од развивање на коронарна срцева болест и двапати поголем ризик од развој на слабост на срцето, отколку оние кои немаат вишок на килограми и сличен метаболички проблем.
Оние кои се метаболички здрави, но се сметаат за дебели, имаат триесет проценти поголем ризик од развој на коронарни болести на срцето во споредба со врсниците со нормална тежина кои се метаболички здрави.
„На крај, метаболички здрава тежина и не постои“, вели доктор Ричи Калејачти од Универзитетот во Бирмингем.
Критичарите на ова истражување велат дека не е земен во предвид животниот стил, што значи дека тоа не ги опфаќа последиците од начинот на исхрана.
Исто така, не биле земени во предвид ниту физичката активност или формата на испитаниците.
Сепак, оние кои имаат нормална тежина, но имаат само еден фактор на ризик како што се дијабетес, висок крвен притисок или висок холестерол имаат многу поголем ризик за развој на коронарни болести на срцето отколку здравите дебели луѓе.
