Познатиот суперагент Мино Рајола има големи планови за неговиот клиен, Ерлинг Холанд.
20-годишниот напаѓач на Борусија Дортмунд го привлече интересот на најдобрите клубови во светот, а во неговиот договор со Дортмунд има откупна клаузула која може да се активира од летото 2022 година и изнесува 75 милиони евра.
Сепак, Дортмунд моментално бара околу 180 милиони евра за него, а агентот Рајола планира да му склопи договор што ќе му обезбеди на неговиот клиент заработка од 1,15 милиони евра неделно.
Спортските медиуми шпекулираат дека агентот има намера да се „офајди“ од зделката, исто како и таткото на Ерлинг, Алф-Инге, така што и двајцата би заработиле по 20 милиони евра од трансферот.
Холанд го бараат Реал Мадрид, Барселона, ПСЖ и Манчестер Сити. Младиот напаѓач оваа сезона постигна 33 гола за Дортмунд на 34 натпревари.
