Полицијата во Лос Анџелес понуди парична награда за информација која ќе доведе до фаќање на возачот на Tesla Model S, а причината е неговиот „лет“ на улица.
Американските медиуми пишуваат за „идиотскиот план“ на возач кој додека возел електричен автомобил Tesla Model S со голема брзина ја искористил конфигурацијата на тлото, односно нерамните улици на Ехо Парк во Лос Анџелес за да скокне, а потоа буквално летнал во воздух.
„Слетувањето“ било жестоко, автомобилот бил значително оштетен, воздушните перничиња биле активирани, а возачот избегал од местото.
Неговиот „лет“ го снимија очевидци, а видеото стана вирално на социјалните мрежи.
Возачот ѝ е познат на полицијата и претходно бил осудуван.