Имаат помалку жива од другите видови риби, а се еден од незагрозените извори на храна од морето, поради што се добри и за животната средина.
Најдобри се сардините во маслиново масло без коски, но можете да ги јадете и оние со коски.
Сардините се преполни со важни хранливи материи, што ги прави врвен извор на храна. Поради високата содржина на омега-3 масни киселини, протеини, витамин Б12 и селен, сардините се многу моќни чувари на здравјето. Ако се консумираат редовно, можат да придонесат за подобрување на целиот организам.
Една порција сардини од околу 75 грама содржи приближно:
191 калорија
22,7 грама протеини
10,5 грама масти
8,2 микрограми витамин Б12
48,5 микрограми селен
250 единици витамин Д
451 милиграм фосфор
351 милиграми калциум
4,8 милиграми ниацин
2,7 милиграми железо
365 милиграми калиум
35,9 милиграми магнезиум
0,2 милиграми бакар
1,9 милиграми витамин Е
0,2 милиграми витамин Б6
1,2 милиграми цинк
Богати се со омега-3 масни киселини
Сардините се еден од најдобрите природни извори на есенцијални омега-3 масни киселини во светот. Тие исто така содржат EPA и DHA, два вида есенцијални масни киселини кои телото ги користи за да го намали воспалението, што резултира со подобрување на здравјето, подобра функција на мозокот и помал ризик од хронични болести.
Истражувањата покажуваат дека јадењето храна како сардина која е богата со омега-3 масни киселини може да помогне во лекувањето на нарушувања на расположението како депресија и анксиозност. Тие исто така имаат корисен ефект врз здравјето на срцето, а докажано е дека го намалуваат нивото на холестерол и триглицериди.
Го штитат здравјето на коските
Поради високата количина на калциум, сардините може да ви помогнат да го одржите здравјето на коските.
Го штитат здравјето на тироидната жлезда
Селенот и јодот се во синергија и се основниот состав на сардината. Селенот е неопходен за правилно функционирање на тироидната жлезда.
На телото му обезбедуваат доволна количина на витамин Б12
Недостатокот на витамин Б12 може да предизвика симптоми како што се оштетување на нервите, нарушена ментална функција, тешкотии во снабдувањето на клетките со кислород и хроничен замор. Со редовно консумирање на сардини ќе го замените недостатокот на овој витамин кој е клучен за правилно функционирање на целото тело.
Го намалуваат апетитот
Многу хранлива храна која ќе ви овозможи чувство на ситост и до неколку часа.
Го контролираат нивото на шеќер во крвта
Сардините се полни со здрави масти и протеини, кои делуваат на забавување на апсорпцијата на шеќер во крвта. Комбинирањето на храна богата со протеини и масти, како што се сардините, со јаглехидрати може да го забави ослободувањето на гликоза (шеќер) во крвта, помагајќи при скокови на шеќер.
Јадењето сардини е особено важно за луѓето кои имаат дијабетес, метаболички синдром или други состојби поврзани со отпорност на инсулин.
Здравите луѓе може да јадат по еден оброк со сардини два до три пати неделно. Ако јадете друга морска храна, намалете го бројот на оброци со сардини.
И покрај многуте здравствени придобивки, сардините во свежа или конзервирана форма не се вид риба што се препорачува за сите луѓе. Пациентите кои страдаат од висок крвен притисок, гихт, камења во бубрезите треба да избегнуваат сардини. Особено конзервираните сардини содржат големи количини натриум, што не се препорачува за лица со висок крвен притисок.
Можно е во некои ситуации да се продолжи со конзумирање на овој вид риба, но во помали количини и со отстранување на сол од другите оброци. Сепак, за сите детали, најдобро би било да се консултирате со експерт кој ќе ги даде најдобрите препораки во однос на специфичната здравствена слика на секој поединец.
