Џенифер Лопез и Бен Афлек по свадбата заминаа на меден месец во Париз.
Гостите во ресторанот Le Matignon биле изненадени кога ги виделе младенците како пристигнуваат на вечера во четвртокот навечер.
Двојката само неколку часа претходно пристигнала на аеродромот „Ле Бурже“ со приватен авион. Џенифер и Бен не губат време и веднаш излегле и го започнале меден месец по венчавката.
Влегувајќи во ресторанот во близина на Шанзелизе, славните младенци се држеле за рака додека барале маса на терасата на отворено.
„Кога се појавија, изгледаа како типични Американци“, изјави еден очевидец.
Џеј-Ло блескала во прекрасен црвен фустан со крената коса и успела да го одржи својот изглед свеж и природен.
Двојката останала околу два часа во луксузниот ресторан и танцовиот клуб пред да се врати во нивниот хотел.
Џенифер и Бен се венчаа на интимна церемонија во Лас Вегас за време на викендот.
