Американскиот јутјубер и боксер Џејк Пол успеа да победи во неговиот „најтежок“ тест во досегашната кариера и да биде подобар од УФЦ легендата Андерсон Силва.
Во борбата и двајцата беа агресивни, но Пол беше подобриот откако во осмата рунда го нокаутира Бразилецот, кој потоа стана и го доврши мечот. Со едногласна одлука на судијата, Пол дојде до победа а по борбата го предизвика Нејт Дијаз, велејќи дека сака следната борба да му биде со него.
„Го сакам Нејт Дијаз, кој е права кучка. Се обиде да влезе во мојата соблекувална и да направи проблеми, но потоа избега“, изјави Пол по мечот.
По борбата му се обрати и на Дејна Вајт, претседателот на УФЦ, со кој во последните неколку месеци постојано се препукуваше по медиумите и му порача дека ќе основа здружение за да им помогне на сите други ММА борачи и боксери да добијат подобри плати и подобра здравствена заштита.
Пол е непоразен со синоќешната победа, односно има шест победи во исто толку борби.
По победата, ги предизвика УФЦ борачот Нејт Дијаз и светскиот шампион Канело Алварез на меч.