Откако Џенифер Анистон и Дејвид Швимер јавно признаа дека постоела хемија меѓу нив додека ја снимале познатата серија „Friends“, деновиве на интернет почнаа да кружат информации дека актерите ѝ дале шанса на љубовта, односно дека се повеќе од пријатели.
Но, претставникот на Швимер ги прекина дезинформациите, велејќи дека тие тврдења се лажни со што се исклучени претпоставките дали тие навистина би можеле да бидат пар и во реалниот живот.
Надежта за потенцијална врска меѓу Анистон и Швимер растеше со месеци откако актерите изјавија јавно дека имале чувства еден кон друг во текот на снимањето на серијата.
Швимер му изјави на водителот Џејмс Корден дека постоеле симпатии меѓу него и Анистон, но врската била невозможна бидејќи еден од нив секогаш бил во врска, а никогаш не ја преминеле таа граница.
Воопшто не е чудно што веста предизвика бура на социјалните мрежи бидејќи обожавателите се надеваа дека еден од најпознатите телевизиски парови би можел да стане пар и во реалноста, по скоро 20 години од прикажувањето на серијата.
