Кошаркарите на Лос Анџелес Лејкерс поведоа со 2-1 против актуелниот шампион Голден Стејт Вориорс откако ноќеска во својата сала го совладаа со 127:97.
Иако натпреварот не започна добро за Лејкерс, со оглед на тоа што Голден Стејт ја доби првата четвртина со резултат 30:23, Леброн и друштвото одиграа одлично до полувремето и од негатива од 7 поени дојдоа до двоцифрена предност. Резултатот на полувремето беше 59:48 за Лејкерс.
Јасно беше дека ќе победат по третата четвртина, во која го задржаа одличното темпо од втората четвртина и имаа водство меѓу 15 и 20 поени, за да го допрат Голден Стејт во последната и заслужена победа, втора во оваа серија.
Најефикасен во победничкиот тим беше Ентони Дејвис, кој постигна 25 поени со 13 скока и 3 асистенции, додека кај поразениот тим се истакна Стеф Кари, кој постигна 23 поени и запиша 4 скока и 3 асистенции.
Леброн Џејмс значително му помогна на Дејвис, па за нешто повеќе од 32 минути на паркетот постигна 21 поен со 8 скока и асистенции. Следниот натпревар меѓу овие екипи се игра за две вечери, а домаќин повторно ќе бидат Лејкерс.
Синоќа Мајами Хит со 105:86 го победи Њу Јорк Никс и поведе со 2-1 во партии.
