Сопственикот на Alibaba, Џек Ма, се обрати во јавност по скоро три месеци отсутност, поради што почнаа шпекулации за неговата положба и империјата што ја изгради во деловниот свет.
Во снимка, која трае 50 секунди, Ма им честиташе на учителите кои ја поддржуваат неговата хуманитарна фондација, но не го коментираше неговото исчезнување од јавниот живот и фактот дека неговите бизниси се под инспекциски надзор.
Видеоснимката се појави на кинески бизнис вести, но и на други сајтови, пренесе AP.
Ма за последен пат е виден на 24 октомври, кгја ја критикуваше финансиската инспекција на самитот во Шангај, каде изнесе тешки зборови на сметка на кинескиот регулаторен систем што подоцна го стави во судир со официјалните власти.
Односот на Ма со Пекинг останува нејасен. На почетокот на декември, кинеските власти му советуваа да остане во земјата. Расправата за неговиот сегашен престој настана во Пекинг.
Во меѓувреме, акциите на Alibaba пораснаа за повеќе од 4% во Хонконг. Иако сè уште е нејасно каде се наоѓа, појавувањето на Ма на јавен форум може да помогне во запирање на упорните шпекулации за неговата судбина, додека Пекинг спроведува финансиски истраги за неговата бизнис империја.
