Постоењето на срамни влакна е секундарна сексуална карактеристика на жената и ги нема кога е девојче, а како што старее ги има сè помалку.
На прашањето дали депилацијата на интимните делови на женското тело е мода или потреба, специјалистот по гинекологија и акушерство Марица Ѓуран дава јасен одговор низ уметничката призма на нештата и случувањата.
„Во исламските религии се смета за задолжително отстранување на срамните влакна, а кај христијаните се смета за срамно да се покажат. Дури и сликарите, до Гоја, морале да ги прикажуваат женските актови без влакна или покриени во тој дел“, вели Ѓуран.
Според докторката, епилација, депилација, бричење, со топол и ладен восок, шеќерна паста, креми и слично, се само разни варијации на депилација и се прашање на личен избор. А дали тоа може да му наштети на вашето здравје, д-р Ѓуран вели: „Секако дека не може“.
„Затоа секогаш се насмевнувам кога некоја пациентка ќе ми каже - извинете, не се подготвив за преглед, мислејќи дека не ги отстранила срамните влакна. Денешната хигиена е на такво ниво што не пречат неотстранети влакна, а ништо нема да се случи со отстранети влакна“, објаснува докторката и додава:
„Секако дека епилацијата е забранета во бременоста поради негативното влијание на ласерските зраци, како и депилацијата со топол восок“, заклучува гинекологот Марица Ѓуран.
