Аргентинскиот напаѓач Пауло Дибала проговори за неговиот удар од белата точка во пенал-рулетот на финалето на Светското првенство против Франција (3:3, 4:2 на пенали). Рече дека начинот на кој шутнал бил заслуга на голманот Емилиано Мартинес.
– Пеналот во финалето беше шутнат во центарот по совет на Еми Мартинес. Знаев дека влегов во игра само да изведам пенал, па требаше да ја задржам присебноста. Сакав да шутирам во агол, но Еми ми рече: „Шутни во центар, бидејќи нивниот голман сигурно ќе се фрли на страна“. Така се случи, го цитира Дибала новинарот Алфредо Педула.
Аргентина стана светски шампион по трет пат. Пред тоа, репрезентацијата триумфираше на Мундијалите во 1978 на домашен терен и во 1986 во Мексико.
На Светското првенство 2022 во Катар Дибала учествуваше само на два натпревара.