Фудбал

Дидие Дрогба на 40 години става крај на фудбалската кариера

13. март 2018 - 15:59 | М.Д.

Поранешниот голгетер на Челзи, Дидие Дрогба, соопшти дека на крајот од сезоната во МЛС ќе замине во пензија.

Легендарниот фудбалер на Брегот на Слоновата Коска, Дидие Дрогба, изјави дека ќе ја заврши својата богата фудбалска кариера во дресот на американскиот Феникс Рајзинг, откако ќе заврши актуелната сезона во МЛС.

Играчот, кој помина деценија во дресот на Челзи, во два наврати освои по четири трофеи во Премиер лигата и Фа Купот, како и трофејот од Лигата на шампионите, соопшти дека е време да се повлече од фудбалската игра.

„Уживам додека играм. Ми се допаѓа улогата истовремено да бидам сопственик и играч. Опкружен сум со млади играчи и задоволен сум што можам на теренот да им пренесам дел од моето искуство. Но, наполнив 40 години и дојде време за крај“, изјави Дрогба.

 

 

Дрогба освен во Челзи, каде го помина најуспешниот дел од својата кариера, играше и за Ле Ман, Генган, Марсеј, Шангај, Галатасарај, а од 2015 е во САД каде играше за Монтреал, а од минатата година игра за Феникс, чиј е воедно и сопственик.

За репрезентацијата на Брегот на Слоновата коска тој постигна рекордни 65 погодоци на 104 натпревари.

 

 

Коментирај