Храната која ја консумирате хемиски реагира со вашата крвна група. Тоа значи дека ако јадете храна која одговара на вашата крвна група, тогаш вашето тело полесно ќе ја преработи. На тој начин ќе изгубите килограми и ќе ги спречите болестите.
Може ли исхраната базирана на крвната група да ви помогне да бидете поздрави и послаби? Доктор Питер ДиАдамо, кој е креатор на т.н. „крвна диета“, тврди дека може.
ДиАдамо ја базира неговата диета на крвните групи и начинот на кој различните крвни групи реагираат на храната. Тој тврди дека со помош на неговата диета не само што ќе ослабете, туку и ќе го подобрите имунитетот.
Крвна група 0
Ова е најстарата позната крвна група, па затоа не изненадува дека припадниците на оваа крвна група се опишани како „ловци“. На припадниците на оваа крвна група најмногу им одговара храна богата со животински протеин и се препорачува интензивно да вежбаат. Диетата е базирана на црвено месо, бело месо и риба.
Крвна група А
Ова е најбројната крвна група во Европа и нејзините припадници најчесто се опишуваат како „луѓе кои многу брзо се дебелеат“. За нив идеална е исхрана без месо, базирана на овошје и зеленчук, грав и житарици. Бидејќи припадниците на крвната група А имаат чувствителен имунитет, најдобро е сите производи да се консумираат свежи.
Крвна група Б
Овие луѓе се опишани како „номади“. Крвната група Б е најчеста во Азија, а се развила во Африка, помеѓу номадите кои постојано се селеле од едно место на друго. Ако сте припадник на оваа група, ДиАдамо советува да избегнувате пченка, пченица, кикиритки, сусам и пилешко месо, а вели дека најдобро за вас ќе биде да јадете зелен зеленчук, млечни производи и јајца.
Крвна група АБ
Оваа крвна група е најмлада од сите крвни групи и претставува хибрид помеѓу А и Б. За припадниците на оваа крвна група се препорачува јадење на морски плодови, млечни производи и зелен зеленчук. ДиАдамо вели дека припадниците на групата АБ имаат проблеми со желудочната киселина, па се препорачува избегнување на кофеин, алкохол и чадено месо.